ချာချီ အောင်ဆန်းနဲ့ ရှင်လူ – iSeeMedia
Feature

ချာချီ အောင်ဆန်းနဲ့ ရှင်လူ


ရှင်လူ (ဟောကိန်းထုတ်သည်)

”ဆရာရေ ဒီနေ့ ရုပ်ရှင်သွားကြည့်ရအောင်”
”ဟ ပကိဏ်းရ ၊ စောစောစီးစီး ကွာ၊ မင်းကလည်း အားအားယားယား”
”အာ…ဆရာကလည်း ဒိတ်အောက်လိုက်တာ၊ ခုတင်တဲ့ကားက မြန်မာ့ပဋ္ဌမ ဆုံး 3D ရုပ်ရှင်ဗျ”
”ကားနာမည်က ဘာတဲ့လဲ”
”ကြီးမြတ်သော မြန်မာ..တဲ့”
”တော်ပါပြီကွာ ၊3D ဆိုလို့ စိတ်တော့ဝင်စားသား၊ ဒါပေမယ့် ကားနာမည်ကြားတာနဲ့ မကြည့်ချင်တော့ဘူး”
”အာ…ဆရာကလည်း ဇာတိမာန် ခေါင်းပါးလိုက်တာ”
”ဟ့ေယာင် သည်းခံနေလို့ ရောင့်တက်မလာနဲ့၊ ဇာတိမာန်ဆိုတာ အပ်တူဒိတ် ဖြစ်မှ အသုံးဝင်တာ၊ မင်းတို့ ဓားတွေ လှံတွေ လေးမြားတွေနဲ့ ဆင်တွေ မြင်းတွေငှါးပြီး ဝေးဟေးဟေး အော်ပြနေရုံနဲ့မပြီးဘူး”
”လုပ်လာပြီ…ဆရာကလဲ၊ရှေးဘိုးဘေးတွေ အဲ့လို အော်ခဲ့လို့ ခု ဆရာ ဘုံမပျောက်သေးတာ”
”ဟ့ေယာင်..တရုတ်ပြေးမင်းဆိုတာကြားဘူးလား…”
”လာပြီ…အဆိုးမြင်ဝါဒ”
”ဟ့ေယာင်…သမိုင်းဆိုတာ အဆိုးမြင်၊ အကောင်းမြင်ဆိုတဲ့ အစွဲတွေနဲ့ သုံးသပ်လို့မရဘူးကွ၊ အရှိကိုအရှိအတိုင်း အမှန်မြင်အောင် သင်ယူလေ့လာတတ်ရတယ်၊ ဒါမှ လူအ မဖြစ်မှာ၊ ဂျပန်မှာဆို ကျောင်းသားတွေဟာ သူတို့ဘိုးဘေးတွေလုပ်ခဲ့တဲ့ ဖက်ဆစ်ဝါဒရဲ့ အမှားတွေကို အရှိအတိုင်းနားလည်ခဲ့ကြတယ်၊ ဒါကြောင့် သူတို့လက်ထက်မှာ နိုင်ငံတကာနဲ့ ဆက်ဆံရာမှာ အဆင်ပြေအောင် ဘယ်လိုအနေအထားနဲ့ဆက်ဆံရမလဲဆိုတာ သိကြတယ်”
”ဒါတော့ ဒါပေါ့ဆရာရယ်၊ ခုလို ခရီးသွားလုပ်ငန်းတွေ မြှင့်တင်ဖို့ လုပ်နေချိန်မှာ ကြော်ငြာသဘော ပရိုမိုးရှင်းလည်း လုပ်သင့်သမို့လား”
”မလုပ်ရဘူး မပြောပါဘူး၊ ရုပ်ရှင်အနုပညာဆိုတာ Soft Power တခုပါပဲ၊ Entertainment, Edutainment, Travelogue စတာတွေလည်း လုပ်လို့ရပါတယ်၊ ဒါပေမယ့် ဦးတည်ချက်ကို နက်နဲသိမ်မွေ့အောင်လုပ်တတ်ဖို့လိုတာပါ။ မလုပ်တတ်ရင် Dogmatism ဆိုတဲ့ တရားသေ အစွန်းရောက် အယူအဆတွေဝင်သွားနိုင်တယ်ကွ။ တကယ်တော့ ငါပြောနေကျအတိုင်း ငါတို့ထင်ရာစိုင်းဒေသကြီးအကြောင်းကို တချိန်က ချာချီတို့ ဗိုလ်ချုပ်အောင်ဆန်းတို့လည်း ပြောခဲ့ဖူးတယ်
လေ”
”ဘာတွေများပြောခဲ့လဲ ဆရာရယ်”
”မစ္စတာချာချီကြီးဟာ မြန်မာ့လွတ်လပ်ရေးနဲ့ပတ်သက်ပြီးတော့လည်း ဟောကိန်းထုတ်ခဲ့တယ်။ ဗိုလိချုပ်အောင်ဆန်းတို့က
မြန်မာ့လွတ်လပ်ရေးစီမံကိန်းရေးဆွဲလာတဲ့ စာတမ်းကို ဆုတ်ဖြဲပစ်ပြီး ” မြန်မာပြည်ကို လွတ်လပ်ရေးမပေးနဲ့သွေးချောင်းစီး လိမ့်မယ်တဲ့။ အဲဒီတုန်းကတော့ ချာချီကြီးရဲ့စကားကို မြန်မာတွေက လက်မခံကြပါဘူး။ ချာချီကြီးဟာ နယ်ချဲ့ဝါဒီကြီးမိုလို့မြန်မာပြည်ကို လွတ်လပ်ရေးမပေးချင်လို့ပြောတာဆိုပြီး ထင်မြင်ခဲ့ကြတယ်။
ပြည်တွင်းစစ် အခုအနှစ် ၇၀ ကျော်ပြီ မရပ်စဲနိုင်သေးဘူး။ လွတ်လပ်ရေးကို ရအောင်ယူပေးခဲ့တဲ့ ဗိုလ်ချုပ်နဲ့အာဇာနည်ကြီးတွေကစပြီးစီးဆင်းခဲ့တဲ့ သွေးတွေအခုထိ ချောင်းစီးနေတုန်းပဲ။
”ပြီးတော့ ဗိုလ်ချုပ်အောင်ဆန်း ပြောခဲ့တဲ့ မိန့်ခွန်းတခုမှာ ဟိုလူ့မြင်မျက်နှာချိုသွေးရ၊ ဒီလူ့မြင်မျက်နှာချိုသွေးရနဲ့၊ ဒီတိုင်းဆို ဖာသယ်လိုနိုင်ငံကြီးဖြစ်သွားမယ် ဆိုတာလေ၊ ချာချီရော ဗိုလ်ချုပ်အောင်ဆန်းရော ပြောခဲ့သမျှတွေဟာ သမိုင်းအထောက်ထားအရ လက်တွေ့မှာ မှန်ကန်နေတော့၊ မင်းတို့ငါတို့ ထင်ရာစိုင်းဒေသကြီးက ဘယ်နေရာတွေမှာ ဘာ်လိုကြီးမြတ်နေလဲဆိုတာထင်ရှားပါတယ်”
”အင်း…ဒီလိုတော့လည်း စိတ်ပျက်စရာပဲ”
”ဟားဟား…ငါ့တပည့်ကလည်း အားငယ်တတ်လိုက်တာ”
”ကြားသမျှ တွေ့သမျှတွေက မှန်နေတာပဲလေ”
”အင်း…ချာချီတို့ အောင်ဆန်းတို့ပြီးရင် ရှင်လူပြောရမယ့် အလှည့်လေ၊ အားတင်းထားစမ်းပါတပည့်ရာ”
”ဘာတွေများ နိမိတ်ဖတ်အုံးမလို့လဲ ဆရာရယ်”
”ဟ့ေယာင်…ဘယ်အရာမှ မမြဲဘူးကွ၊ ခုဆို တို့ ထင်ရာစိုင်းဒေသကြီးမှာ အချင်းချင်းချနေကြတာ နှစ်ပေါင်း ၇၀ ကျော်ပြီကွ။ အားလုံးလည်း လက်ပန်းကျ နေကြပြီ။ ဒီလူတွေ အားလုံး မသာပေါ်ကုန်ရင်
ငြိမ်းချမ်းရေးရပြီပေါ့ကွာ”

”တိန်..!”

ရှင်လူ

Click to comment

Most Popular

To Top